| برف اوما دشت دلم نيا و كوسارش |
غم مهمو برف هم اوما سنگين بارش |
| ا دل ا مرو تو چته دائم دِ هولي |
غم دنيا وت باره تو هي ملولي |
| ا دل كم تو بنال سينه ام سوختي |
تش گريت مين دلم من تو کشتي |
| غم كهنه پر اي دلم كهنه چهل ساله |
روزگار كاري وش كرد دائم بناله |
| مه سي خوم نگريوم خوون عالم |
گپ گپو كل رتنه مه بيرم ماتم |
| ا دل ا برف وت باره چي كوه زاگرس |
ترك دنيان كرديه وا قوم وا دوس |
| كاشكي تو چاره نويس منه مي كشتي |
تا وچشيام نمي ديم تلخي و زشتي |
| دردي كه تو نيش داري نصيب كو با |
تو تا كي در و دري اوو د ليزت با |
| مه وا غم جوونه زم هم بستر وا غم |
چاره نويس نامه ام نوشت مي دفترغم |
| من و غم همبازي بيم د كو چكي مو |
قل پنچه زا د ملم ديك نيفتي مو |
| ويروسي د غم اوما رته د خينم |
تا ابد د زنيعي مه هي چنينم |
| ا فلك ا روزگار ا چرخ گردو |
يه دفعه تو هم بگرد و كام فقير و |
| ا فلك تا كه چني بازي دراري |
نه كشي نه خو كني برديم و خاري |
| مه چنو ها دي دلم غم درد كهنه |
زنيعي سي مه سخته د اي زمونه |
| مه چنو ها دي دلم چن كوه الون |
برف كهنش و جا بي نو د سرش ون |
| مه چنوها دي دلم دو كرخه بيشتر |
مر حكيمي درمونش کنه وا نوكه نيش تر |
| غم چنو رخنه كرده دو بن جونم |
چي مته سيلا كنه بن بن سخونم |
| حكيمو نه نگرديت و دوور تختم |
خوم دونم جونبرم دي درد سختم |
